CulturaCulturaÚltima hora

Xavi Carbonell expón no Centro Cultural Marcos Valcárcel

A mostra “…Quen es ti?” estará aberta no centro ourensán ata o 26 de outubro
Xavi Carbonell, Rosendo Fernández e Francisco González, na presentación da exposición.
Xavi Carbonell, Rosendo Fernández e Francisco González, na presentación da exposición.

Dende hoxe 2 de setembro (a partires das 20:15h.) ata o 26 de outubro, o Centro Cultural Marcos Valcarce da Deputación de Ourense, acolle a exposición “…Quen es ti?”, do pintor Xavi Carbonell.

Trátase dunha mostra recentemente chegada de Nova York, que reflicte, en palabras do artista “a alma dos nenos, a súa inocencia e ese estilo que só os máis pequenos teñen para achegarse á creatividade”. Carbonell defínese como un apaixonado dos garabatos e dos comezos creativos dos nenos, un arte do que extrae a súa esencia e o seu significado para poder plasmalo en obras de gran e medio formato, e tamén en papel. “Gústame” di Xavi “ser capaz de albiscar un universo nunha simple liña, é dicir, poder expresar o máximo no mínimo”.

O pintor, que por primeira vez exhibe a súa obra en Galicia, presentaba a exposición acompañado polo vicepresidente da Deputación de Ourense, Rosendo Fernández e do director do Centro Cultural, Francisco González, asegruando que “o obxectivo da mostra é que o espectador poida entrar dentro de cada cadro para reencontrase coa súa infancia e con ese mundo máxico do debuxo infantil”.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close