Un compacto acio de uvas tintas sobre un fondo branco, xunto ao logo da Denominación de Orixe Monterrei. Está é a imaxe protagonista do cartaz ganador do concurso que convocaba hai un mes o Consello Regulador de Monterrei para escoller o cartaz da súa XI Feira do Viño, que se celebrará en Verín do 12 ao 14 de agosto.
O xurado do certame daba a coñecer o seu fallo na mañá do 7 de xullo e escollía a proposta presentada Miguel Ángel Martínez Coello entre os 43 traballos que concurrían ao concurso. O motivo da imaxe resalta ás tintas, que supoñen un 30% da produción total da D.O Monterrei, con variedades preferentes como mencía e merenzao e autorizadas como tempranillo, caíño tinto e sousón.
Cinco persoas formaban o xurado do concurso: José Antonio da Silva (vicepresidente do CRDO Monterrei), Purificación Caldelas (concelleira de Turismo, Comercio, Balnearios e Transportes de Verín), María del Pilar Salgado (profesora de pintura e experta en belas artes), José Antonio Quintas (especialista en deseño gráfico), e Sergio Crespo (experto en fotografía).
