A asociación de Amigos do Camiño de Santiago por Valdeorras vai desenvolvendo o calendario de andainas programadas para este ano. Desta volta presenta a XI ruta nocturna “das meigas” que se celebrará mañá, sábado 24 de agosto.
O punto de partida do roteiro será a praza José Antonio Míguez, na Rúa, ás 22:30h. e percorrerá Valencia do Sil, Barxela e Petín, rematando de novo no punto de partida.
Conta coa colaboración do Concello da Rúa e ao final da ruta haberá un refrixerio para os participantes. A inscrición é gratuíta e dende a organización recomendan levar chaleco reflictor e lanterna.