En portadaÚltima hora

XII Ruta dos Fornos de Celavente, o sábado 4 de maio

Este traxecto gastronómico e festivo percorrerá seis destas antigas construcións desta localidade e unha adega
Imaxe da pasada edición desta ruta./ Foto: Carlos G. Hervella.

Cada primavera a súa Ruta dos Fornos atrae a multitude de persoas que percorren seis destas antigas construcións e unha adega, ao son da música e degustando diversas propostas culinarias. Nesta ocasión, a cita será o sábado 4 de maio a partir das 13h. Como vén sendo tradicional, a ruta comezará na carpa instalada na estrada fronte ao Bar Rodríguez, onde os participantes poderán coller as súas entradas (no caso de que as teñan reservadas) e a súa taza para facer un traxecto festivo marcado polo ritmo dunha charanga.

Tras o pregón a cargo de Juan Corzo, a primeira parada farase no Forno do Viduedo; despois virá o Forno dos Ortos; o Forno de Outeiro; a Adega da Capilla; o Forno do Fondo; o Forno do Campo; e o Forno do Cima.

Esta iniciativa está organizada pola Asociación Centro de Animación Rural de Celavente e contará coa colaboración de Protección Civil do Bolo. O prezo das entradas será de 14 euros para os adultos e de 7 euros para os nenos (menores de 12 anos).

 

Un dos fornos da ruta./ Foto: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close