Dende hoxe, venres 16 de xaneiro ás 17h. e ata o domingo 18 ás 20h, Xinzo acollerá a primeira edición da feria de cerveza artesá da localidade.
O evento desenvolverase nunha carpa instalada na praza Maior onde está previsto que se den cita oito cervexeiros galegos que amosarán os seus produtos, máis de 30 estilos diferentes.
A mostra completarase con outras actividades como un curso de fabricación de cervexa caseira. Haberá ademais opción de xantar no recinto, con ofertas culinarias a base de hamburguesas “galeguesas” e salchichas alemanas, entre outros produtos. E todo, amenizado pola música duna banda de gaitas.
Ao longo da fin de semana haberá asemade actos culturais diversos no auditorio da Casa da Cultura de Xinzo, como a presentación do libro “K11 Estación clandestina” do xornalista limiao Manuel Dobaño Peláez (ás 20:30h. de hoxe venres), ou a representación do grupo teatral Barbañá de Ourense coa obra “Unha rosa é unha rosa” de Suso de Toro mañá sábado ás 19h.