CulturaCulturaGalerías de fotosÚltima hora

Xinzo tínguese de branco no Domingo Fareleiro

Comeza así o Entroido na vila do Limia, Festa de Interese Turístico Internacional, que rematará o 9 de marzo

Coma sempre ao ritmo das charangas, o Petardazo abría na medianoite do 9 de febreiro o programa do Entroido 2019 en Xinzo de Limia. O ciclo máis longo desta festa que non rematará ata o domingo 9 de marzo coa Piñata. E entre medias, catro domingos que nesta localidade ourensá cobran un significado especial, sobre todo este ano no que era declarada Festa de Interese Turístico Internacional.

O primeiro, o Fareleiro, tiña lugar na tarde de hoxe, 10 de febreiro, no entorno da praza Maior. En torno ás cinco da tarde chegaba o carro repartido os farelos e a fariña e a partires dese momento a vila enteira converteríase nunha auténtica batalla campal co branco como protagonista. Centos de nenos, xoves e maiores, desfrutaron dunha tarde de festa onde ninguén podía nin debía quedar inmaculado. Sempre hai quen o intenta pero é un combate perdido de antemán. O Domingo Fareleiro mandan os farelos e a fariña.

 

Unha moza coa cara enfarelada.

 

A seguinte cita do Entroido en Xinzo será o Colgamento do Meco o sábado 16 de febreiro “entre lusco e fusco”. Ao día seguinte, Domingo Oleiro tocaralle o turno ao xogo das olas.

Máis información na Revista do Entroido en Galicia 2019 do Periódico O Sil.
Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close