OurenseÚltima hora

Xituma Batuke, Albor, Os Caliqueños e Doctor Anchoa, no Entroido de Verán de Ourense

O desfile celebrarase o sábado 15 de setembro a partires das 21:30h. polas rúas do casco histórico
Desfile de Entroido polas rúas de Ourense./ Foto: Carlos G. Hervella.

Como “unha aposta por consolidar unha festa tan ourensá coma é o Entroido, adaptado á calor pero mantendo o seu carácter único vinculado á rúa e ao maxín dos seus participantes”, se presenta o Entroido de Verán do Concello de Ourense, que tomará as rúas do centro histórico da cidade o vindeiro 15 de setembro, a partires das 21:30 horas, cun desfile que rematará coa entrega de preto de 2.000 euros en premios e unha festa na praza do Correxidor.

Os participantes realizarán un percorrido pola praza Maior, Lamas Carvajal, a praza de Santa Eufemia, a rúa da Paz, a praza do Ferro e a rúa dos Fornos para rematar na praza do Correxidor, para ser valorados por un xurado.

Este ano o desfile contará coa animación de catro charangas: Xituma Batuke, Albor, Os Caliqueños e Doctor Anchoa, que animarán as rúas da zona histórica ata as 2 da mañá. Pola noite a festa concentrarase na praza do Correxidor, onde a música correrá a cargo de diversos Dj’s.

O Entroido de Verán repartirá 1.975 euros en 15 premios distribuídos nas categorías Individual, Parellas, Grupos (de máis de catro persoas) e mellor foto colgada no Facebook “Entroido de verán en Ourense”. Na categoría de premios individuais o primeiro premio estará dotado con 200 euros; o segundo, con 150 euros e o terceiro con 100 euros. Tamén haberá cinco accésits de 50 euros. Para as parellas os premios serán de 200 euros para os gañadores; 150 euros para os que queden de segundos e 100 euros para os terceiros. Na categoría de grupos os premios serán de 350 euros, 250 euros e 150 euros. A contía do premio para a mellor foto colgada no Facebook será de 75 euros.

Para participar e optar aos premios é preciso inscribirse nas instalacións da Concellaría de Cultura, ou no mail cultura@ourense.es antes do vindeiro martes, 11 de setembro, ás 13 horas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close