A falta de dous días escasos para a celebración da XIX Feira do Viño de Valdeorras, o certame xa vai tomando forma na praza de Viloira (O Barco). Ao longo da xornada do 13 de xullo xa comezaban a colocarse as primeiras estruturas dos ao redor de vinte stands que conformarán o recinto feiral. Na mañá do 14 de xullo xa se vían cada un dos postos e a súa distribución.
Este certame celebrarase por segundo ano consecutivo neste escenario e a súa inauguración está prevista para as 12:30h. do sábado 16 de xullo co pregón do ex ciclista profesional Álvaro Pino. Na mostra poderán catarse os viños de 18 adegas amparadas pola Denominación de Orixe Valdeorras.
Fotos: Ángeles Rodríguez.
