EconomíaEconomíaÚltima horaViticultura

A XIX Festa do Viño Novo de Cabanelas, o 20 de novembro

O programa desta celebración presentábase na mañá do 4 de novembro nesta zona do Carballiño
Acto de presentación desta celebración.
Acto de presentación desta celebración.

Nun escenario de máis de 300 anos de antigüidade, a adega de Emilio Vázquez, presentábase na mañá do 4 de novembro a XIX Festa do Viño Novo de Cabanelas (O Carballiño), que se celebrará o vindeiro 20 de novembro. Ofrecerá un programa de animación musical, coa charanga Castro Vello, e non faltará unha degustación dos produtos típicos das romarías: pulpo, carne ao caldeiro, chourizos con cachelos, castañas e viño novo de Cabanelas, principal protagonista da cita. O xantar está previsto para as dúas da tarde, pero tamén se poderá degustar este mesmo menú a partir das 18,30h., e ata a noite.

O Concello do Carballiño porá a disposición das persoas que queiran acudir a este evento e non desexen levar o seu coche, un servizo de microbús gratuito, que sairá da Praza Maior (fronte á casa consistorial) cada hora entre as 11,00 e as 14,00, e entre as 16,00 e 19,00 h. Durante a presentación o alcalde do Carballiño, Francisco Fumega aseguraba que esta festa constitúe un reclamo para vir a visitar esta parroquia, “cunha das paisaxes máis fermosas do Carballiño e do Ribeiro”, e “para seguir impulsando o cultivo do viño, que é a mellor forma de contribuir á recuperación de Cabanelas”. Tamén lembraba que hai tres parroquias baixo a denominación de orixe do Ribeiro, e que esta circunstancia debería aproveitarse para promover proxectos de replantación máis dimensionados.

Ademais do rexedor, ao acto de presentación asistían os concelleiros de Turismo, José Manuel Dacal, e de Medio Rural, Rosario González; que destacaban o interese dos veciños por manter e impulsar esta festa como unha demostración de convivencia e unha forma de xuntar aos que viven fóra e dar a coñecer os seus recursos aos visitantes.

Xunto a eles estaban asemade o mantenedor da festa, Delfín Borrajo, e colleiteiros e veciños da parroquia, que animaban a todas as persoas que descoñecen esta zona a achegarse o 20 de novembro e desfrutar dunha xornada de festa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close