OurenseÚltima hora

Xoán Carlos Domínguez presenta os seus “Versos para conversar” en Ourense

O libro é un compendio de máis de trinta poemas “pensados para xogar e ler en familia”, dixo o autor
O editor Francisco Castro e Xoán Carlos Domínguez na presentación.

O poeta Xoán Carlos Domínguez vén de presentar hoxe, 17 de febreiro na librería Punto e Coma de Ourense, o seu último libro de poemas dedicados ao público infantil e xuvenil titulado ” Versos para conversar”, con ilustracións de Pablo Rosendo. Unha compilación de máis de 30 poemas nos que, segundo o autor, “son para ler en familia”. Estes poemas están divididos en apartados semánticos e “en todos hai un exercicio de proximidade, calor, optimismo e de explorar as posibilidades da musicalidade que ofrece a nosa lingua”, asegurou Domínguez. Asemade, moitos dos poemas que presenta este traballo fan xogos como as vogais abertas e pechadas ou a pronunciación do “x” en galego “algo moi característico e moi de noso”.

O autor, antes de comezar a recitar os poemas acompañado pola música en directo do saxofón de Manuel Ferro, fixo unha pequena introdución na que describiu o xénero do verso como “unha ánfora no fondo do mar na que, para poder collela, hai que conter a respiración para collela. A poesía é pensamento, emoción, cabeza e corazón ao instante, pode percibirse cos sentidos e os abre”.

En canto ao público ao que vai dirixido. Xoán Carlos Domínguez explicou aos presentes que “a culpa de todo a teñen Minia e Celtia, as miñas fillas”. O poeta asegurou que as súas nenas lle suxeriron que deixase de facer poemas para maiores e que fixese poemas para elas, e ese foi o comezo de “Versos para conversar”. Ao rematar a presentación fixo unha sinatura de exemplares.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close