Un total de 325 escolares figuran inscritos para participar o vindeiro día 23 na Segunda Previa de Atletismo en Pista, dentro do marco do programa Xogade, que se desenvolverá en Pereiro de Aguiar. Concretamente, proba terá lugar no Complexo Deportivo da Secretaría Xeral para o Deporte en Monterrei a partires das 16.00 horas.
Os rapaces competirán individualmente nas categorías benxamín, alevín, infantil e cadete e farano en representación de clubes, colexios ou institutos da zona como o Ourense Atletismo, o AD Limia, CD La Purísima, Club Atletismo Guillerme Brwon, CD Atletismo Aurum, Colexio La Purísima, Concepción Arenal, Ramón Otero Pedrayo, EA Ben Cho Shey, Sagrado Corazón, AD Limiactiva, CAM Verín, Club Atletismo Fontes do Támega e Ourenrunning.
Esta competición está organizada pola Secretaría Xeral para o Deporte. As previsións indican que se prolongará ata as 20.00 horas aproximadamente.
