Un obradoiro infantil, dirixido por nais e pais, pechaba os actos destas xornadas organizadas no Barco por De Nai a Nai
Botellas de plástico, rotuladores, anacos de tecido ou paus de xeado. Eran algúns dos materiais, boa parte deles reciclados, cos que os nenos xogaban e aprendían no obadroiro infantil co que se completaba o programa da 4ª Semana da Lactación Materna no Barco. Esta iniciativa, que promove a Asociación De Nai a Nai, tiña como lema nesta edición “Lactación materna: clave para o desenvolvemento sostible”.
Esta actividade infantil desenvolvíase na tarde do 8 de outubro no local de De Nai a Nai e estivo coordinada por nais e pais da citada asociación.
Fotos: De Nai a Nai.
