CulturaEducaciónOurenseÚltima hora

Xornada de convivencia entre xeracións, en Ourense

Máis de 200 persoas participaron o 10 de abril en Ourense na XI Xornada Interxenaracional celebrada na cidade

xuntanzainterxeracional

xuntanzainterxeracional2

A praza Maior, primeiro e despois o casco vello de Ourense e o Campus universitario foron converténdose ao longo da xornada do xoves 10 de abril en escenarios da XI Xornada Interxeracional, promovida polos alumnos (todos eles de entre 55 e 92 anos) das Aulas da Terceira Idade de Galicia (Ategal) e polos das Facultades de Traballo Social e Educación Social da Facultade de Ciencias da Educación do Campus de Ourense. Nela participaron ademáis o colexio Salesianos, ADO, ESTOU e AUCE. En total esta iniciativa congregaba a a máis de 200 personas maiores, cativos e xente nova.

Este proxecto, con once anos xa de traxectoria, xurdía, segundo a coordinadora de Ategal en Ourense, Marisa Justo, “despois de representar unha obra de teatro dun dos nosos grupos de alumnos de Ategal na Universidade”. Alí, “vendo a gran interactividade que tivemos coa xente xoven” continúa, “plantexáronnos facer algún tipo de encontro o que empezou de xeito humilde, medrou moitísimo e agora conta con gran apoio” ata chegar a o once aniversario en 2014 cumprindo, con creces, os obxectivos que marcaran o inicio: “a recuperación de xogos tradicionais, integrar a Universidade na vida da cidade e viceversa, pero sobre todo, fomentar o aprendizaxe persoal, a motivación para vivir de xeito activo e positivo e potenciar as relacións interxenaracionais, demostrando ante todo os seus beneficios individuais -tanto para a xente maior como a xuventude- colectivos e sociais”.

Nesta edición o encontro abríase con cancións, esloganes berrados e cunha foto de grupo nas escaleiras de Santa María, na Praza Maior. Moitos dos participantes estaban disfrazados de época, para darlle ambiente ao xogo no que participaron despois: “A Esmorga Interxeneracional”, onde todos os presentes, divididos en grupos de distintas xeracións, utilizaban as prazas que describe a novela homónima de Eduardo Blanco Amor para organizar distintos xogos populares.

Pola tarde, no Campus Universitario Facultade Ferro celebranse varias actividades, abertas a todo o público de xeito gratuito, coma xogos tradicionais, unha actuación de maxia, un show de lume, baile tradicional, unha merenda solidaria amenizada por pandereiteiras e un concerto dun grupo musical local.

Fotos: cedidas pola organización da Xornada Interxeracional

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close