CulturaCulturaEducaciónGalerías de fotosÚltima hora

Xornada de divulgación contra incendios forestais no CEIP Julio Gurriarán do Barco

O Día Mundial da Árbore celebrarase con plantacións en distintos puntos da comarca, destacando o Arboretum da Rúa o 21 de marzo

Un batefogo, botas, cascos, lanternas, unha brúxula, unha máscara, prismáticos e mesmo lupas. Son algúns dos utensilios que se utilizan nun incendio forestal e que os alumnos do CEIP Julio Gurriarán do Barco de Valdeorras puderon ver e tocar. Facíano na mañá do 15 de marzo, no marco do programa de divulgación contra incendios forestais que o axente medioambiental da brigada de investigación (biif) do Distrito XIII, Isidro Martínez, está levando a cabo en Valdeorras.

Á xornada asistían todos os alumnos do centro en dúas quendas. Na primeira, eran os máis pequenos (de infantil, 1º e 2º de Primaria) os que asistían á proxección do vídeo “O home do lume” e de seguido inspeccionaban o material que Isidro lles amosaba. Despois tocáballe o turno aos cativos de 3º, 4º, 5º e 6º, que asistían a unha charla máis acorde coa súa idade.

Neste mes de marzo, tamén haberá charlas nos colexios de Vilamartín de Valdeorras, Rubiá e Ramón Otero Pedrayo do Barco. E xa para conmemorar o Día Mundial da Árbore, sucederanse as plantacións. A máis destacada será a do día 21 no Arboretum da Rúa, pero tamén haberá en Sobradelo (día 16), Manzaneda (día 19), Rubiá (día 20) e Viloira (día 23).

Fotos: Mónica G. Bellver excepto as dúas últimas da galería.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close