Está prevista para o mércores 6 de febreiro en horario de 16h. a 18h.
Co fin de dar a coñecer as súas instalacións e os servizos que ofrece, o Centro de día O Salgueiral, no Barco, ten previsto celebrar unha xornada de portas abertas o vindeiro mércores 6 de febreiro en horario de 16 a 18 horas.
As xornadas incluirán un percorrido polas diferentes zonas do centro, así como unha charla informativa sobre o seu abano de servizos, seguida dun taller e merenda para todos os asistentes.
Este centro de día privado, que se inauguraba o pasado 27 de decembro, está situado na rúa Salgueiral número 7 da vila.