SanidadeÚltima hora

Xornada de vacinación contra o Covid de nenos de 5 a 11 anos no Hospital do Barco

 

Ás 9h. deste 4 de xaneiro iniciábase na provincia a administración da dose da vacina contra o Covid a nenos e nenas de entre 5 e 11 anos (principalmente entre 5 e 9, e moitas repescas que non puideron acudir anteriormente). Entre os puntos de vacinación está o Hospital Público de Valdeorras, no Barco, ao que corresponden estas imaxes e no que hoxe estaban citados un total de 300 nenos (de 9h. a 14:30h. e de 15:30h. a 21h.). No caso de Expourense son 2.000 e no Hospital de Verín son 300 cativos os citados.

Xa o mércores 5 de xaneiro (só de mañá), de 9 a 14:30h. están citados nenos e nenas entre 5 e 11 anos: 1.100 en Expourense, 150 no Hospital do Barco e 100 no de Verín. O día de Reis, 6 de xaneiro, non haberá vacinacións, e retomaranse o venres día 7 coa administración da dose de reforzo a persoas de entre 40 e 49 anos (mañá e tarde, de 9h. a 14:30h. e de 15:30h. a 21h). En Expourense están citadas 2.200 persoas (+500 repescas), no caso do Hospital de Valdeorras serán 250 (+100 repescas) e no de Verín 200 (+50 repescas), segundo adianta Sanidade.

Fotos cedidas.

Artigos relacionados

Back to top button