Esta cata, promovida por Aeva en colaboración co CRDO Valdeorras, está prevista para o vindeiro 11 de decembro no Barco
O Centro de Formación da Asociación Empresarial de Valdeorras (AEVA), no Barco, acollerá na tarde do 11 de decembro unha xornada de cata “Valoración da colleita 2013”. Será impartida polo director técnico do Consello Regulador da Denominación de Orixe Valdeorras, Jorge Mazaira, e comezará ás 19:30h.
Nesta xornada probaranse mostras que xa foron valoradas polo comité de cata do consello, o que permitirá contrastar a valoración profesional coa opinión do público. Esta cata será organizada por Aeva en colaboración co CRDO Valdeorras. As inscricións poderán realizarse en Aeva. As persoas interesadas en participar poderán inscribirse nas oficinas de AEVA.