SanidadeÚltima hora

“Xornada sobre Deprescrición Farmacolóxica”, no Centro de Saúde Valle Inclán

Desenvolvarase na mañá do 17 de outubro neste centro da cidade de Ourense
Programa destas xornadas sanitarias.
Programa destas xornadas sanitarias.

A deprescrición farmacolóxica será a temática en torno á que xirará a xornada que se impartirá na mañá do 17 de outubro no salón de actos do Centro de Saúde Valle Inclán de Ourense. Nela participarán recoñecidos profesionais que aportarán o seu coñecemento e experiencia no tratamento farmacolóxico dalgunhas das patoloxías máis frecuentes en Atención Primaria, poñendo en relevancia na alta incidencia da polimedicación.

O obxectivo desta xornada é “afondar na mellora da calidade asistencial, procurando a mellor interrelación dos fármacos prescritos e reducindo na medida do posible seu número, para facilitar o correcto seguimento dos tratamentos, evitar efectos secundarios e adaptarse as evidencias clínicas, cambios na súa saúde, situación vital ou calidade de vida”, segundo indican os seus promotores.

Esta iniciativa será organizada por responsables das Unidades de Farmacia de Atención Primaria da Xerencia de Xestión Integrada de Ourense, Verín e O Barco.

Artigos relacionados

Back to top button