EconomíaEconomíaEn portadaÚltima hora

Xornada sobre o aproveitamento sostible dos soutos en Trives e en San Xoán de Río

A primeira delas terá lugar o 19 de novembro ás 16h. no Auditorio Julio Vázquez trivés e a segunda o día 21 no Concello de Río

 

As variedades galegas de castaña, as características a ter en conta nas novas plantacións, a recollida, procesado e transformación deste froito, a súa comercialización e mesmo as pragas e enfermidades do castiñeiro. Son algúns dos temas que se abordarán no decurso da xornada “Nocións básicas para o aproveitamento sostible dos soutos de castiñeiros”, que se celebrará o 19 de novembro ás 16h. no Auditorio Julio Vázquez de Trives.

A exposición correrá a cargo do secretario da Indicación Xeográfica Protexida (IXP) Castaña de Galicia, Manuel López Vilariño. Na súa intervención tamén se abordará a importancia de contar cun selo de calidade para este produto de outono de alto valor engadido. Dous días despois, esta mesma sesión terá lugar ás 16h. no salón de plenos do Concello de San Xoán de Río.

Estas xornadas será organizada pola Consellería do Medio Rural, a través da Axencia Galega da Calidade Alimentaria (Agacal), en colaboración coa Indicación Xeográfica Protexida Castaña (IXP) de Galicia e cos Concellos de Trives e de San Xoán de Río.

 

Artigos relacionados

Back to top button
Close