EconomíaEconomíaÚltima horaViticultura

Xornada sobre viticultura de precisión en Monforte

Será organizada pola Estación de Viticultura e Enoloxía de Galicia e terá lugar o 14 de outubro
Imaxe de viñedos en bancais./ Foto: Carlos G. Hervella.
Imaxe de viñedos en bancais./ Foto: Carlos G. Hervella.

“Na procura do equilibrio entre solo, clima e planta. Viticultura de precisión” é o título dunha xornada profesional que se desenvolverá o 15 de outubro en Monforte de Lemos. A iniciativa, promovida dende a Estación de Viticultura e Enoloxía de Galicia (EVEGA), está dirixida especialmente a viticultores, adegueiros, enólogos, persoal técnico das adegas e dos consellos reguladores, persoal investigador interesado no tema e estudantes.

No programa desta xornada, que se celebrará no centro de Formación e Experimentación Agroforestal de Monforte, abordaranse aspectos como as tendencias tecnolóxicas aplicables ao cultivo do viñedo, as vantaxes do seu uso e a súa utilidade na toma de decisións máis axeitada cara a obtención dun produto diferenciado.

Contará coa participación de expertos do Instituto Tecnolóxico Agrario de Castela e León, a Fundación Instituto Tecnolóxico de Galicia, a empresa Monet Viticultura e a Universidade de Vigo. O programa pecharase cunha mesa redonda onde as adegas galegas Martín Códax, Viña Costeira e Vía Romana relatarán as súas experiencias.

Esta acción conta coa colaboración do Consello Regulador Denominación de Orixe Ribeira Sacra e do Instituto Galego da Calidade Alimentaria (INGACAL).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close