Xornada técnica no Barco sobre a protección do cultivo da vide das xeadas

Esta acción formativa, promovida pola EVEGA, impartirase o vindeiro 21 de xuño no edificio multiusos do Barco

Efectos das xeadas en viñedo da provincia o pasado ano.

O vindeiro 21 de xuño o salón de actos do edificio multiusos do Barco acollerá a xornada técnica “Obter o mellor rendemento e protexer o cultivo da vide das xeadas”, promovida pola Estación de Viticultura e Enoloxía de Galicia (Evega). O programa comezará ás 9:30h. coa ponencia “As xeadas: un factor limitante para o cultivo do viñedo en Galicia”, a cargo de Xosé Carballido Presas, xefe de sección de Concentración e Obras do Servizo de Infraestruturas Agrarias da Consellería do Medio Rural.

A continuación, Jorge Luis Mazaira, director técnico do Consello Regulador da Denominación de Orixe Valdeorras, exporá o relatorio “Un antes e un despois da campaña marcada pola xeada: repercusión no mercado”; e ás 11:30h. José María de Frutos, técnico de Regader, e Francisco Javier Fernández, enxeñeiro agrícola de Comercial Grande, falarán sobre “métodos preventivos para o efecto das xeadas”. Despois, Marta Arribas, enxeñeira técnica da Confederación Hidrográfica Miño-Sil, abordará a “legalización das captacións de auga para rega e o seu uso na agricultura”. O programa completarase cunha mesa redonda moderada por Emilia Díaz, tecnóloga da Evega.

Na organización desta xornada técnica a Evega contará coa colaboración do Concello do Barco de Valdeorras, a Fundación Juana de Vega, o CRDO Valdeorras e o Instituto Galego da Calidade Alimentaria (INGACAL). As prazas dispoñibles son 100. O prazo de inscrición rematará o día 19 de xuño agás que se esgoten antes as prazas. A folla de solicitude para realizar a inscrición pode descargarse en http://evega.xunta.gal/xornadas-tecnicas-obter-o-mellor-rendemento-e-protexer-o-cultivo-da-vide-das-xeadas/​

 

Imaxe do díptico da xornada.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies