ConcellosÚltima hora

Xornadas de cooperación transfronteiriza en emerxencias, en Verín

A sede da Eurocidade Chaves-Verín acollía do 4 ao 6 de xuño un encontro con máis de 50 participantes de Galicia, Castela-León e Norte de Portugal
Acto de clausura destas xornadas celebradas en Verín.
Acto de clausura destas xornadas celebradas en Verín.

Verín convertíase en escenario dende o 4 de xuño das xornadas “Cooperación transfronteiriza en materia de emerxencias: colaboración e coordinación entre os organismos intervinientes”, enmarcadas dentro do Proxecto ARIEM 112 en materia de atención das emerxencias e protección civil no ámbito transfronteirizo de Galicia, Castela-León e Norte de Portugal.

Ao longo de tres días (ata o 6 de xuño) técnicos dos servizos contraincedios, dun e doutro lado da fronteira, do Ministerio de Agricultura, Alimentación e Medio Ambiente, da dirección xeral de Tráfico, do Sergas e da Axencia Galega de Emerxencias realizaron unha completa análise da cooperación transfronteiriza dende as diversas perspectivas dos sectores implicados: a cooperación institucional, a cooperación en servizos de salvamento e contraincendios, emerxencias sanitarias ou tráfico, entre outros.

“No XXVII Cumio Ibérico celebrado este mércores, por primeira vez na historia na Eurocidade, pecháronse importantes acordos que inciden directamente nas poboacións fronteirizas, e entre eles acordouse a revisión do protocolo adicional en materia da loita contra incendios forestais co obxecto de estendelo a outras operacións de protección e socorro necesarias para obter unha mellor resposta ante situacións de catástrofe evitando duplicidades e descoordinacións”, indicou o alcalde de Verín, Juan Manuel Jiménez Morán. “Este acordo optimizará de forma evidente a coordinación de servizos dos dous países, aínda que seguiremos a insistir na liña que nos propuxemos con outras organizacións de fronteira para que se nomee un coordinador de emerxencias a nivel ibérico que teña autoridade ante unha catástrofe e poida enviar efectivos ao territorio veciño seguindo un esquema que está a funcionar moi ben como é o das comisarías conxuntas”.

Na última das sesións deste foro presentáronse os relatorios “Cooperación transfronteiriza en materia sanitaria” de Nieves Domínguez González, xerente do Servizo Galego de Saúde, e “ARIEM 112. Unha experiencia positiva que debemos consolidar no futuro” de Santiago Villanueva Álvarez, director xeral de Emerxencia e Interior da Xunta de Galicia e vicepresidente de AXEGA.

No acto tamén participaron, entre outras autoridades, o subdelegado do Goberno en Ourense, Roberto Castro, e o delegado da Xunta, Rogelio Martínez. A estas xornadas asistiron máis de cincuenta participantes procedentes de Galicia, Castela-León e Norte de Portugal.

Asistentes a este encontro transfronteirizo.
Asistentes a este encontro transfronteirizo.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close