DeportesÚltima hora

Xornadas técnicas “Montañismo invernal-nivel I”, en Trevinca

Esta actividade, organizada polo Club Montañas de Trevinca, desenvolverase do 21 ao 23 de marzo

Publicidade
Foto: Club Montañas de Trevinca.

 

Inicialmente estaban previstas para o 15 e 16 de febreiro, pero as condicións meteorolóxicas e a falta de neve levaron a organización das  “Xornadas Técnicas de Montaña. Montañismo invernal-nivel I” a pospoñelas para o mes de marzo. Así esta actividade, promovida polo Club de Montañismo Montañas de Trevinca, desenvolverase do 21 ao 23 de marzo en Vilanova (A Veiga).

Estará limitada a 8 prazas e busca “iniciar ou aumentar os niveis técnicos dos afeccionados ao deporte do montañismo” en aspectos como “progresar, ascender e descender pola montaña nevada con características de neve dura ou xeada, empregando as oportunas técnicas de manexo dos crampóns e piolet, tamén, saber deterse no caso dunha caída por unha pendente de neve, ademais de coñecer as técnicas de seguridade en cordada e os diferentes estados da neve e xeo que nos permitan movernos con rapidez e seguridade”, segundo explican dende a organización.

O programa incluirá clases teóricas, pero tamén numerosas prácticas de neve e xeo na zona do Pico Maluro (1.933 m),  actividades de análise da neve en pendentes e técnicas de progresión sen e con crampóns, entre outras.

Pódese ampliar información das xornadas ou inscribirse a través do correo club@montanasdetrevinca.es ou no teléfono 616 54 69 72.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close