Se o pasado xoves eran os Compadres os que se facían donos das rúas de Sober, unha semana despois cambiaban as tornas. O Entroido segue envolvendo esta localidade lucense neste Xoves de Comadres pero da man dos bonecos que representan ás Comadres.
Aparecían neste 12 de febreiro en diferentes lugares públicos da vila recreando tamén esceas dun marcado tono satírico e con diálogos en verso. Era o caso da praza do Concello, onde mesmo simulaban ir á feira con postos incluídos, do CEIP Virxe do Carme, onde os bonecos escenificaban actividades deportivas ou do centro da terceira idade onde as “Comadres” tomaban o sol en bañador ou biquini.
Fotos: Concello de Sober.
