EconomíaÚltima hora

Sentan as bases para un novo selo de calidade que impulse o termalismo e a auga mineral

A Xunta suscribe un acordo de colaboración co clúster para implementar a marca Auga de Galicia
Un momento da firma do convenio de colaboración entre a Xunta e Terras da Auga, esta mañá, en Lugo.
Un momento da firma do convenio de colaboración entre a Xunta e Terras da Auga, esta mañá, en Lugo.

O sector do termalismo e da auga mineral en Galicia afonda na proxección internacional para pór en valor os recursos da comunidade, dos que gran parte deles se localizan na provincia de Ourense. Isto é o que persigue a Xunta tras asinar esta mañá, a través da Consellería de Economía, un convenio de colaboración co Clúster da Auga Mineral e Termal de Galicia (Terras da Auga). O acordo senta as bases para o lanzamento dun novo selo de calidade a nivel internacional, así como a creación da versión para Android da APP Terras da Auga, para smartphones.

Máis polo miúdo, o clúster, coa colaboración do goberno autonómico, creará e implantará a marca Auga de Galicia. Será un novo selo que identificará a calidade do produto e que poderá ser empregado por todas as entidades de envasado de auga mineral -actualmente son 11- e polos 21 balnearios existentes en Galicia. “Trátase dunha marca específica que permitirá trasladar a imaxe de innovación, de calidade e de diferenciación das nosas augas minerais e termais”, apuntou o conselleiro de Economía, Francisco Conde.

Por outra banda, a colaboración entre ambas institucións tamén servirá para desenvolver a aplicación móbil Terras da Auga para o sistema operativo Android, a través da cal se poderá consultar a localización dos mananciais de auga mineral e dos balnearios, así como dos perímetros de protección dos acuíferos existentes en Galicia. Tamén se actualizará a versión xa existente para o sistema iOS.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close