Publicidade
OurenseSen categorizarÚltima hora

A Xunta dá luz verde á colaboración para crear a estación intermodal

O Concello de Ourense deberá ceder de balde os terreos da súa titularidade para a creación da estación de buses
A previsión é que Ourense  conte coa nova estación intermodal en 2018.
A previsión é que Ourense conte coa nova estación intermodal en 2018.

O Consello da Xunta vén de dar luz verde a un convenio marco de colaboración entre Fomento, a Xunta, o Concello de Ourense e a entidade pública Adif-Alta Velocidade co obxectivo de levar a cabo a construcción da nova estación de autobuses da cidade das Burgas. O fin é por en funcionamento un nó de intercambio modal coa estación ferrivoiaria e outros medios de transporte.

Así o anunciaba esta mañá, 19 de maio, o presidente do Goberno galego, Alberto Núñez Feijóo, que xa avanzou una primeira data para o seguinte paso no proxecto. O mes de xullo. “Esta é a nosa proposta e esperamos e desexamos que o resto das administración cumpran o seu calendario”.

O máximo mandatario do goberno galego detallou que, conforme ao convenio aprobado, será a Xunta a que teña que obter os solos necesarios para esta nova infraestrutura. Para iso, avanzou que o Concello de Ourense deberá emprender as modificacións precisas no planeamento urbanístico.

Por outra banda, a colaboración do Ministerio de Fomento farase efectiva a través da tramitación do Estudo Informativo da Estación Intermodal. E en canto ao papel de Adif, este encargarase da redacción dos proxectos, a súa execución e o financiamento das obras de adaptación da estación de tren.

O titular da Xunta tamén aclarou que a empresa pública será a encargada de transmitir á Administración galega os terreos e edificacións da súa titularidade, necesarios para a execución da nova estación de autobuses e do aparcamento subterráneo, que financiará nun 33%.

Tamén o Concello deberá ceder terreos para este proxecto. Así, Feijóo sinalou que o goberno local terá que outorgar a Fomento, Adif e á Xunta os terreos da súa titularidade para a construcción da estación de buses, e de balde, así como emprender as actuacións para a mellora nos semáforos e outras reorganizacións do transporte urbano.

As previsións do goberno autonómico é que a estación intermodal de Ourense estea lista no ano 2018.

Foto: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close