CulturaCulturaEducaciónÚltima hora

Xunta e Deputación investirán 630.000 euros en obras en colexios da provincia

Trives, Vilamarín de Valdeorras A Veiga, Laza, Leiro, Lobios, Maceda, O Carballiño ou Castrelo de Miño, entre outros concellos, é onde están ubicados estes 43 centros beneficiarios
Román Rodríguez e Manuel Baltar.

O presidente da Deputación, Manuel Baltar, e o conselleiro de Educación, Román Rodríguez, asinaron hoxe, 14 de xuño, o convenio “Educou 2017”, un acordo de cooperación entre as administracións provincial e autonómica que permitirá realizar un total de 53 obras de mellora, conservación e mantemento en centros educativos públicos da provincia de Ourense, cun investimento total de 632.009 euros, achegados ao 50 % por parte da Deputación de Ourense e da Xunta de Galicia.

No marco deste convenio levaranse a cabo, principalmente ao longo deste verán, actuacións en materia de infraestruturas, saneamento, electricidade, carpintería e mantemento de zonas de xogo, entre outras, “en 42 centros educativos da provincia, pertencentes a 33 concellos, sendo o investimento medio de cada obra de 15.400 euros”, explicou Manuel Baltar. O presidente do Goberno provincial expresou que a colaboración entre ámbas as dúas administracións “fai posible a realización destas obras para seguir mellorando a calidade dos medios educativos nos centros de ensino da provincia de Ourense”.

No acto de sinatura do convenio Manuel Baltar e Román Rodríguez estiveron acompañados pola delegada territorial da Xunta en Ourense, Marisol Díaz Mouteira, e polo deputado provincial de Educación, Manuel Doval.

Os centros nos que se realizarán as obras pertencen aos concellos de Baltar, Bande, Barbadás, O Barco de Valdeorras, Beariz, Os Blancos, Boborás, O Carballiño, Castrelo de Miño, Castro Caldelas, Cenlle, Coles, Laza, Leiro, Lobios, Maceda, A Merca, A Mezquita, Muíños, Nogueira de Ramuín, Oímbra, Ourense, Pereiro de Aguiar, A Peroxa, Pobra de Trives, Ribadavia, A Rúa, Toén, Sandiás, A Veiga, Vilamartín de Valdeorras, Vilardevós e Xunqueira de Ambía.

Román Rodríguez destacou que este acordo de colaboración é o terceiro ano que se leva a cabo e cualificouno como “un exemplo de cooperación entre administracións en favor do benestar cidadán, velando polo axeitado mantemento dos centros educativos”. O conselleiro de Educación agradeceu a cooperación da Deputación de Ourense, afirmando que este convenio se establece a través do Plan Provincial Educou 2017, vía pola que se desenvolverán as actuacións contempladas no acordo hoxe asinado.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close