EconomíaEconomíaÚltima hora

Xuntanza da conselleira de Infraestruturas coa Federación Galega da Construción

No encontro intercambiáronse impresións sobre o futuro deste sector

A conselleira de Infraestruturas e Mobilidade, Ethel Vázquez, no encontro coa nova directiva da Asamblea da Federación Galega da Construción, na sede da Fundación Laboral de la Construcción-Galicia.

 

A conselleira de Infraestruturas e Mobilidade, Ethel Vázquez, mantiña unha xuntanza de traballo o 11 de outubro coa nova directiva e representantes da Federación Galega da Construción, na que salientou a necesidade de implicación das deputacións provinciais no apoio aos concellos no exercicio das súas competencias na xestión dos servizos de abastecemento, saneamento e depuración.

No decurso da reunión intercambiaron impresións sobre o futuro deste sector, que a conselleira cualificou como clave na economía galega pola súa capacidade de xerar actividade e emprego.

Aquí referíronse aos datos do último informe elaborado pola propia Federación Galega da Construción, correspondentes aos meses de xaneiro a agosto, e que reflicten unha contracción na licitación de obra pública, cunha baixada moi acusada das licitacións da administración xeral do Estado en Galicia.

Un descenso que o propio sector atribúe, na súa meirande parte, ás circunstancias políticas excepcionais que se están a vivir, cunha interinidade no Goberno do Estado, que non está a axudar á execución orzamentaria nin á dinamización da contratación de obra pública.

No encontro, celebrado a instancias da propia organización, mostraron o seu interese polo funcionamento e polos obxectivos da creación da sociedade para a xestión do ciclo integral da auga en Galicia, cuxo anteproxecto de Lei inicia a súa tramitación tralo acordo de onte no Consello da Xunta.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close