Un grupo de antigos alumnos de EXB do Colexio Nacional de Manzaneda veñen de volver a reunirse, décadas despois, nas aulas deste centro. Comezaron os seus estudos no curso 74-75, cando se abriu o Grupo Escolar de Manzaneda. Algúns incorporáronse en cursos posteriores, e 20 deles remataron en 8º de EXB no curso 80-81, aínda que tamén algúns finalizaban a súa etapa formativa en cursos distintos. Se ben a maioría deles pertencen á xeración do ano 1967, tamén estiveron presentes neste encontro celebrado en agosto alumnos dunha ou duas xeracións anteriores.
Esta era a primeira das xuntanzas que teñen previsto realizar. Servía para que algúns ex alumnos, os que pudieron asistir, se reencontraran despois de máis de 30 anos e puideran lembrar vellos tempos dentro e fóra das clases. Resultou un emotivo reencontro coas aulas que os viron medrar formativamente. Cada un deles procedía de distintas escolas unitarias de lugares e aldeas do concello de Manzaneda (como Cernado, Reigada, San Miguel, Placín, Trabazos, Langullo, Soutipedre, San Martiño, O Poblado e da Vila de Manzaneda), Vilarmeao (concello de Viana do Bolo) ou de Sobrado e Monteboi (concello de A Pobra de Trives).
Fotos: Clemente Pérez Arias
