André Guimoar e Cardozo Ribeiro (directores de Pele de Luz e Porque la Sal, respectivamente), e Raquel Anido e Miguel Ribeiro (membros do xurado desta terceira edición do FIC Vía XIV), acompañados por algúns dos membros do staff do FIC Vía XIV, partificaban na mañá do 5 de decembro nunha visita guiada por Verín e comarca.
Un percorrido por algunhas das singularidades da vila que comezaba no Auditorio de Verín. Dende alí, o grupo desprazouse ata o Castelo de Monterrei, onde visitou os distintos emprazamentos do monumento, ademais da Igrexa de Santa María e o Hospital de Peregrinos.
O guía do Concello que levou a visita explicoulles aos integrantes do grupo a relevancia da figura do cigarrón de Verín e a do peliqueiro de Laza, e ao rematar, o grupo trasladouse ao Museo Claustro Mercedario, en Verín, onde tivo a oportunidade de coñecer de primeira man a exposición permanente que alí se alberga.