A festa gastronómica organizada polo Concello, comezará en torno ás nove da noite
Seguindo o mesmo formato dos últimos anos, mañá sábado 6 de decembro (festivo nacional) celebrarase a XV edición da Festa da Freba. Coma sempre a partires das nove da noite, na carpa instalada e acondicionada a carón da Casa da Cultura (Teleclub) de Petín.
Por 10 euros que custa a entrada, os asistentes (espérase a uns 500 segundo os últimos anos) poderán degustar un suculento menú composto por consomé, chourizo cocido, a tradicional carne de freba de porco á brasa, ucheira de postre, viño e licores.
O apartado musical correrá un ano máis por conta do grupo Sonora Petinesa, que se encargará de animar o baile antes de despois da cea.
Máis información na edición en papel do Periódico O Sil.