A Mostra de Teatro de Centros Educativos de Secuntaria (Moteces) acada a súa decimoquinta edición do 3 ao 13 de maio coa participación de 9 grupos de teatro formados por alumnos da ESO de 8 centros da cidade de Ourense.
As representacións terán lugar todos os días ás 12:00 horas no salón de actos da Escola Municipal das Artes Escénicas e está previsto que asistan un milleiro de alumnos de máis dunha decena de centros de ensino da cidade.
O cartaz do festival obtívose tras o IV Concurso de deseño de carteis da Moteces. Así, o gañador desta edición foi creado por unha alumna de 3º de Eso do CPR Santo Ángel.
Actuacións detalladas:
– 4 de maio: grupo de teatro “Jopelines Mary Teatro” do IES Otero Pedrayo, coa obra “A Risa Durmida”, dirixida por Pablo Silva e con público asistente do CPI José G. García (Mende) e do CPR Divina Pastora (Franciscanas).
– 5 de maio: grupo de teatro “Acto Blanco” do IES E. Blanco Amor coa obra “La Zapatera Prodigiosa”, dirixida por Marga Varela con público asistente do IES E. Blanco Amor e do CPI José G. García (Mende).
– 6 de maio: grupo de teatro “Carrabouxos Teatro” do CIFP Carballeira coa obra “Viaje al Mundo de Talía”, dirixida por Marga Varela e con público asistente do IES O Couto e do IES Universidade Laboral.
– 10 de maio: repetirase a actuación do día 6, pero con público asistente do IES Xesús Ferro Couselo e do CIFP Portovello.
– 11 de maio: grupo de teatro “Quinto Teatro” do IES X Ferro Couselo coa obra “Anxélica ás portas do ceo”, dirixida por Marga Varela e con público asistente do IES E. Blanco Amor.
– 12 de maio: grupo de teatro “Xogos Florais 2.0” do CPR Divina Pastora coa obra “univerSItarios”, escrita e dirixida por Román Godás Ibáñez e con público asistente do IES Lagoas.
-13 de maio: clausura co grupo de teatro “IAD -14” do IES Universidade Laboral coa obra “Lisístrata”, dirixida por Matilde Vázquez e con público asistente do IES Otero Pedrayo. Posteriormente terá lugar a entrega de agasallos a todos os grupos participantes e á gañadora do concurso de deseño de cartaces da Moteces.