Co outono xa avanzado, a caída da folla e a recollida das castañas traen consigo os esperados magostos e tralo parón do ano pasado pola pandemia e a sombra da dúbida que sobreboaba este días por parte da organización (necesitada de colaboración veciñal para continuar organizando actividades na vila, a Asociación Cultural Sabugueiro ten xa preparada a súa particular celebración na Rúa Vella.
Así, o vindeiro sábado 23 de outubro a partir das 20:30h. celebrarase na praza do Arroio a XVI edición da Festa do Magosto.
O prezo da entrada será de 8 euros e o menú constará de bolo preñado, pizza, bullotes, bica, auga e viño. A venda de entradas será anticipada ata este mércores 20 de outubro nos seguintes establecementos: Panadería Lorenzo, Bar San Roque, Floristería Xardinalia, Seguros Mapfre, Peluquería Esencia e O Colmado.
