Special Olympics Galicia (a asociación de pais, profesionais e familias, a favor da promoción do ocio e deportes para persoas con discapacidade intelectual) celebrou en O Carballiño a XX edición dos Xogos Autonómicos de Fútbol Sala, en colaboración co Concello de O Carballiño e a entidade local ASPADISI.
O encontro, que tiña lugar o 17 de outubro reuníu a máis de 260 deportistas con discapacidade intelectual de 20 asociacións de toda Galicia, acompañados por 64 adestradores e 60 voluntarios. En total O Carballiño acolleu a 419 persoas entre atletas, adestradores, voluntarios e integrantes da organización.
O programa arrancaba pola mañá no pavillón Paco Chao co desfile dos participantes e incluíu partidos nas instalacións dos institutos Chamoso Lamas e o Número Un de O Carballiño, antes dunha clausura que pechou a xornada de convicencia nas pistas carballiñesas.