Publicidade
CulturaCulturaÚltima hora

O XXVIII FETEGA enche de teatro a vila do Arenteiro

Dende hoxe e ata o día 9, pasarán polo Carballiño ata dez compañías galegas
Sergio Pazos e Ernesto Chao, dous dos actores que actuarán no Carballiño.

Hoxe, martes 5 de setembro, o Festival de Teatro Galego FETEGA, abre o pano da XXVIII edición cun completo programa de actividades que se estenderá ata o 9 de setembro no Carballiño.

O programa arranca ás 22:30h. no Auditorio Municipal coa obra “Eroski Paraíso” da compañía Chévere; e ao día seguinte será a quenda para “A canción do elefante” da compañía Redrum Teatro. O xoves 7 de setembro, actuará a compañía Inherente Teatro coa obra “Dramaturxia das mulheres” e, ao día seguinte, Triatreros con “Impronews”. O sábado 9 de setembro, tocaralle o turno a Sergio Pazos con “Afiando con humor” e ese día será tamén a gala e entrega dos Premios Fetega Dorotea Bárcena. O custe das entradas para estes espectáculos será de 10 euros.

Por outra banda, ás 19:30h. no Anfiteatro, celebraranse actuacións para as cales a entrada será gratuíta. Comezan hoxe con “Welcome” da compañía Duelirum; e ao día seguinte será “Lila Star” da compañía Vueltos de Rosca. O 7 de setembro actuará a compañía Pistacatro coa obra “Escola de saltimbanquis” e o día 8 será a quenda para a compañía Nono Productions coa obra “Nono”. O día 9 actuará a compañía IO coa obra “Contiguo”.

O programa do FETEGA complétase con actividades paralelas que abranguen desde animación na rúa, obradoiros de “improvisación escénica” e “novas linguaxes escénicas”, ata unha conferencia de Teatro Posdramático Galego.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close