Dende a súa extracción na mina ata a colocación en cuberta. O programa “Fabricando Made in Spain” no seu capítulo 37 (emitido na primeira semana de outubro) facía un percorrido polo proceso de fabricación da lousa. E para iso desprazaba a un dos seus equipos, encabezado por San Morales ata Valdeorras, principal exportadora de lousa do mundo. Visitaban O Barco e tamén entraban na mina subterránea dunha das empresas da zona.
Dende a extracción en mina, o presentador ía debullando cada un dos pasos da fabricación da lousa enlazando entrevistas con traballadores que participan en cada un deses procesos. Da mina á nave e, de seguido, á colocación en cubertas.
Aquí amosamos algunha das imaxes desta reportaxe que pode verse integra no seguinte enlace:
web RTVE
