Amendoados, améndoas de pico, melindres, torta real ou licor. Serán algúns dos deliciosos produtos “con denominación de orixe de Allariz” que se poderán degustar e mercar na XIX da Feira do Doce, Amendoado e Melindre desta vila ourensá. Celebrarase o 7 de setembro no Paseo da Alameda.
A feira abrirá as súas portas ás dez da mañá e tará un horario ininterrompido ata as 21:00h. Entre os eventos previstos destaca a celebración do IV Concurso Afeccionado de Respostería, ás 11:30h, e o Obradoiro de repostería para nenos e nenas, ás 18:00h.
No encontro participarán reposteiros locais que compartirán espazo no recinto feiral con outras reposterías e adegas convidadas chegadas dende Pobra de Trives, León, Cantabria, Mondoñedo, Cabanas, e, por primeira vez, Portugal.
A novidade principal no programa desta edición é a incorporación solidaria, ás 18:30, da degustación dunha escultura de doce en beneficio de Cáritas Allariz.
