CulturaEducaciónÚltima hora

Alumnos do IES Martaguisela viaxarán ata Navarra

Do 5 ao 11 de outubro participarán nunha actividade de inmersión ligüística en inglés
Entrada do Instituto Martaguisela, no Barco. Foto/ Mónica G. Bellver
Entrada do Instituto Martaguisela, no Barco. Foto/ Mónica G. Bellver

10 alumnos e 10 alumnas de 2º ESO do Instituto Martaguisela de O Barco de Valdeoras, acompañados polas profesoras de inglés Elva Delgado e Milagros Lago, participarán do 5 ao 11 de outubro nunha actividade de inmersión en lingua inglesa no albergue de Lekaroz (Baztán), na Comunidade Foral de Navarra.

Tal como explican dende o centro barquense, o alumnado convivirá, en réximen de internado, cun total de 25 alumnos do coelxio San José-Niño Jesús de Reinosa en Cantabria. Nese entorno e sobre o eixe temático “The world around us speaks English”, realizarán actividades referentes ao desenvolvemento sostible, a reducir, reutilizar e reciclar, ás enerxías renovables, ao entorno natural e cultural, e tamén á diversidade cultural.

Esta actividade, convocada polo Ministerio de Educación, Cultura e Deporte, foi solicitada polo IES Martaguisela despois “da elaboración dun proxecto, no mes de xuño, polo departamento de Inglés” e está enmarcado dentro dun programa que pretende estimular a práctica do inglés en contextos comunicativos máis amplos e promover a convivencia entre alumnado de distintas comunidades autónomas.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close