Cholo e Nela, en Sobradelo

Esta localidade valdeorresa acollerá as Convivencias de Educación Infantil o 28 de maio
Imaxe da pasada edición desta convivencia infantil.

Imaxe da pasada edición desta convivencia infantil.

Un ano máis, Cholo e Nela, mascotas das Convivencias de Educación Infantil, pasarán unha xornada lúdico-educativa cos nenos da parte oriental da provincia de Ourense. Nesta ocasión será o colexio de Sobradelo (Carballeda de Valdeorras) quen acolla o encontro o mércores 28 de maio, no que se espera contar con entre 600 e 700 nenos de toda a contorna.

“Cholo e Nela de cine” será o conto motivador sobre o que xirará a xornada, preparando para a ocasión todo tipo de actividades relacionadas coa sétima arte, facendo un percorrido pola historia e características do cine e tódolos xéneros: mudo, musical, western, ciencia ficción e por suposto, animación.

A falta dun mes para a data fixada, dende a organización están perfilando o que será o programa que seguirá o mesmo esquema doutras edicións. En torno ás 11h. Cholo e Nela serán recibidos polos cativos, nais e profesores de tódolos centros participantes, e a partires de aí sucederanse as actividades. Haberá cancións, rotacións polos distintos obradoiros, exhibicións, inchables e moita animación para que tódolos nenos participen nos distintos xogos.

Texto: Mónica G. Bellver Foto: Carlos G. Hervella
(Máis información na vindeira edición en papel do Periódico O Sil).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies