A XVII Feira do Viño de Valdeorras preséntase con multitude de novidades. Ademais do cambio de ubicación, xa que desta volta será na praza Andrés de Prada do Barco, contará cun programa renovado no que, xunto ao viño, ganan protagonismo a música, a arte e o cine. Así, a mostra, que se celebrará os vindeiros días 12 e 13 de xullo no Barco terá como anfitrións a gaiteira e pianista ourensá Cristina Pato e ao director valdeorrés Ignacio Vilar.
Asemade ao longo do vindeiro mes de xuño realízaranse presentacións no certame nas catro provincias galegas, nas que se contará coa presenza de artistas recoñecidos como Cristina Pato ou o ilustrador Miguel Anxo Prado, segundo se adiantaba dende a organización.
Máis información na vindeira edición do Periódico O Sil
