Cultura

Crítica e humor no escenario

29ª MIT, do 19 ao 27 de xullo en Ribadavia
Foto: Calos G. Hervella
Foto: Calos G. Hervella

O 19 de xullo, o espectáculo Otelo da compañía chilena ViajeInmóvil (que trata o tema do feminicidio) dará o pistoletazo de saída á 29ª edición da Mostra Internacional de Teatro de Ribadavia (MIT) que encherá a vila de arte ata o 27 de xullo.

Mario Gas, Cándido Pazó, Tristán Ulloa, Alfredo Sanzol ou Xavier Deive, son algúns dos nomes dos artistas escénicos contemporáneos que ofrecerán aos espectadores unha gran programación que “desexa avivar o espírito dende o humor e a crítica” explican dende a Mostra.
Ao longo dunha semana, compañías consolidadas como La Zaranda (Premio Nacional de Teatro), ou Talía Teatro, compartirán espazo con outras novas como Il Maquinario, dentro do programa L de apoio aos novos e talentosos emprendedores na empresa escénica.

Unha vez máis a MIT quere ser “un evento dinámico”, con obras arriscadas e de calidade, estreas absolutas e apoio á produción galega como As do peix, espectáculo que se estreará en Ribadavia escrito por Candido Pazó. Outra estrea absoluta será Romance dos figos de ouro de Roberto Vidal Bolaño.
A produción internacional tamén desembarca en Galicia cun considerable número de estreas.

Texto: Mónica G. Bellver
(Máis información na edición en papel do Periódico O Sil).

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close