ConcellosÚltima hora

Entre mouros e cristiáns, en Rairiz de Vega

Gran combate o 21 de setembro na Romaría da Saínza

Imaxe da pasada edición da Romería da Saínza./ Foto: Carlos G. Hervella.

A recreación histórica da batalla entre mouros e cristiáns no campo da Saínza no concello de Rairiz de Veiga é o acto central da romaría que se celebrará do 19 ao 21 de setembro. O programa arrancaraba xa o venres cunha descarga de bombas de palenque, xogos populares no campo da festa e a actuación da orquestra Salsa Rosa.

Ao día seguinte, sábado, despois da celebración de “O meu primeiro ataque de mouros e cristiáns” no campo do castelo, pensado para os máis pequenos, os musulmáns tomarán a fortaleza e farán presos aos cristiáns en torno ás 23:30h. A actuación das orquestras Ipanema e Filadelfia e os fogos artificiais marcarán o final desta primeira parte da representación.

O domingo 21 de setembro, a recreación do “Combate de mouros e cristiáns” reproducirá o guión de anos anteriores. Despois da procesión dende a Igrexa de Rairiz de Veiga ata o Castelo da Saínza e da tradicional misa no campo de batalla, os mouros rouban un dos pendóns da Virxe da Mercé. Ante esta ofensa e trala conversa entre os capitáns cristián e máis o árabe, comezará a batalla na que interveñen a cabalaría e a infantaría con moitos artificios pirotécnicos.

A batalla remata co rendemento das tropas musulmás, que devolven o pendón roubado á Virxe, e a liberación dos cristiáns.
A festa rematará pola tarde coa actuación das orquestras Panorama e Costa Oeste.

Texto: Mónica G. Bellver
(Máis información na edición en papel do Periódico O Sil).

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close