Esta fin de semana, a primeira do mes de outubro, o barrio de San Francisco en Ourense, vestirase de gala para acoller as festas de outono, unha celebración na que a música de orquestra será a protagonista.
O programa elaborado pola comisión de festas, no que colaboran veciños particulares, comercios e establecementos hostaleiros, así como o Concello de Ourense, arrancará o venres 3 de outubro a partires das 20h. co pregón para dar paso, unha hora máis tarde, á presentación da orquestra Arabia que actuará en sesión de tarde e tamén verbena, despois da cea.
Os protagonistas do seguinte día de festa, o sábado día 4, serán Los Estelares, orquestra que actuará en sesión de tarde (a partires das 21:30h.) e tamén verbena (a partires das 24h.) convidando a bailar a veciños e visitantes.
O terceiro e derradeiro día das festas, será o domingo 5 de outubro. Nesa ocasión, a Charanga Semáforo fará un percorrido polas rúas do barrio a partires das 12h. E xa pola tardiña (20h.) presentarase a orquestra Azalea que actuará ata a hora de cear, poñendo o broche aos festexos deste ano.
Máis información na edición en papel do Periódico O Sil.
