Unha gran gala celebrada no pavillón de Calabagueiros na tarde do 19 de xuño, poñía o broche ao curso 2013/2014 das Escolas Deportivas Municipais do Barco de Valdeorras, que contaron con máis de 750 inscritos nos deportes ofertados: fútbol, tenis, baile infantil, atletismo, multideporte, fútbol sala, zumba, baloncesto, voleibol e ximnasia rítmica.
O acto era inaugurado polo alcalde do Barco Alfredo García, dando paso aos responsables das escolas que conduciron a gala. Primeiro, foi a proxección dun video promocional sobre as actividades desenvolvidas este ano e despois, a presentación dos monitores das diferentes escolas que recibiron un agasallo de man dos alumnos. A partires de aí, o concelleiro de Deportes Julio Fernández, sería o encargado de entregar os diplomas a cada un dos cativos, que subían ao escenario por escolas.
O peche desta I gala de fin de curso, poñíano as alumnas de zumba coa posta en escena de dous bailes para deleite dos asistentes.
Máis información e fotos na vindeira edición en papel do Periódico O Sil.
Fotos: Mónica G. Bellver
