Moisés Blanco, elixido presidente do PP do Barco

A súa era a única candidatura presentada e lograba o cen por cen dos votos
Un dos momentos do congreso local do PP do Barco./ Foto: Ángeles Rodríguez

Un dos momentos do congreso local do PP do Barco./ Foto: Ángeles Rodríguez

Para Moisés Blanco Paradelo o “PP do Barco é a única alternativa, ten que entrar aire limpo e renovado no Concello para cambiar as prioridades de goberno”. Así o dicía na mañá do 21 de xuño, tras resultar elixido, co 100% dos votos, presidente local do PP do Barco no congreso celebrado na Casa do Río Cigüeño.

Ademais agradeceu o apoio recibido e destacou a unidade existente dentro do PP barquense, tanto de militantes e afiliados, como de concelleiros, ex concelleiros e ex presidentes locais, unidos e amosando como un dos seus compromisos o de “seguir traballando nesta liña para continuar sumando apoios”.

De seguido dirixíase aos presentes Pedro Puy, membro do Comité Executivo do PPdeG, quen repasou a actividade de Moisés Blanco como deputado autonómico con alusións a sectores como as infraestruturas ou a lousa.

A clausura do congreso correu a cargo do presidente do PP de Ourense, Manuel Baltar, quen, dirixíndose ao comité executivo destacou a necesidade de “transformar O Barco e abrir o partido moito máis”.

No decurso deste congreso local do PP serviu tamén se rendeu homenaxe a todos os militantes, afiliados e cargos populares do Barco que faleceron nos últimos anos (53 en total), cunha lembranza especial para Julio Gurriarán, Pepín Crespo, Gabino Méndez e Delia Afreijo.

No acto tamén estiveron presentes, entre outros responsables do partido, alcaldes de Valdeorras, deputados autonómicos e o deputado nacional Celso Delgado Arce.

Foto: Ángeles Rodríguez
Máis información na vindeira edición en papel do Periódico O Sil

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies