Fieis á tradición, durante a procesión os devotos pasaron por debaixo do santo
Un ano máis o sol e o calor acompañaron á romaría do Pai Eterno que se celebraba na mañá do 15 de xuño en Lardeira, na comarca de Valdeorras.
A máis de 1.000 metros de altitude, centos de devotos asistían á procesión coa peculiar imaxe do Pai Eterno, tres figuras a partir dun único tronco. Algúns pasaban por debaixo da imaxe como manda a tradición, outros simplemente completaron o percorrido que remataba na igrexa parroquial de Lardeira onde tiña lugar a eucaristía.
Alí, durante o culto, os coros formados por homes e mulleres entonaron os “Gozos do Padre Eterno”, uns cánticos especialmente adicados ao santo. E trala misa, a xente aproveitou para pasar o día de campo, xantando nas inmediacións da igrexa.
Fotos: Carlos G. Hervella
