Ás doce do mediodía do 3 de novembro dábase a saída nas pistas de Calabagueiros aos máis de cen atletas que competían na proba de maiores, que abranguía as categorías cadete, xuvenil/xunior, absoluto e veteráns. A partir de aí corrían por un circuíto de 3.500 metros, idéntico ao da pasada edición e que discurría polo Malecón ata a zona do Casino, onde xiraban para regresar ao campo de fútbol. Todas as categorías deron dúas voltas, a excepción dos cadetes, que só fixeron unha.
O vencedor absoluto da proba foi José Antonio Paz (Veteranos Pabellón Ourense), mentres que Santiago García (Burgas At.) entraba segundo e o valdeorrés Damián Anta (Adas), terceiro. No que respecta a absoluto feminino, o título lográbao Sonia Teijeiro (Running Ourense), a subcampiona foi a valdeorresa Ana García (Adas) e a terceira clasificada María José Grobas (A Silva).
Texto: Ángeles Rodríguez Fotos: Ángeles Rodríguez/ Carlos G. Hervella
