O IES O Couto gaña o “Consumópolis 2014”

Os alumnos do instituto ourensán fanse co premio nacional na categoría de 1º e 2º da ESO
Gañadores do concurso escolar Consumópolis.

Gañadores do concurso escolar Consumópolis.

O equipo El Ordenador do IES O Couto (Ourense) é o campión nacional do concurso escolar “Consumópolis” na categoría de 1º e 2º da ESO.

Na fase nacional do concurso, no que participaron 11.415 alumnos, tomaron parte asemade outros equipos gañadores da fase autonómica, que tamén estiveron presentes no encontro cos membros do Goberno galego, como o do colexio Pablo VI-Fátima da Rúa do 3º ciclo de Primaria e o grupo de 3º e 4º da ESO do propio instituto de o Couto. Ademais no encontro tamén participou o segundo clasificado na categoría de 1º e 2º de ESO do IES O Couto.

Na reunión, celebrada en Santiago de Compostela o 3 de xullo, os conselleiros de Economía e Industria Francisco Conde e de Cultura, Educación e Ordenación Universitaria Xesús Vázquez, destacaron “o talento dos participantes galegos”. De feito o “Consumópolis”, concurso escolar dirixido a alumnos de 10 a 16 anos coordinados por un docente do centro no que cursan estudos, é xa un clásico entre o alumnado galego. Este ano estivo centrado no uso responsable das tecnoloxías da información e da comunicación, e na fase autonómica participaron máis de 1.200 escolares.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies