O Folión Os Labregos de Trives remata en Carril o Entroido (na imaxe). Os seus boteiros, ao ritmo dos bombos e das aixadas percorrían as rúas desta localidade pontevedresa na tarde-noite do 9 de marzo. Facíano xunto a outras formacións como unha comparsa e un grupo de gaitas no marco do Enterro da sardiña, organizado por O Gato Negro. Con este desfile este folión poñía fin a un intenso e longo mes de saídas carnavalescas por diferentes puntos do oriente ourensán, pero tamén da provincia como é o caso da capital.
Fotos: cedidas polo Folión Os Labregos