Co lema “Os nenos con Sheila” organizábase na tarde do 17 de maio un parque benéfico de xogos e inchables no Barco
Numerosos rapaces acudían na tarde do 17 de maio ao parque infantil de xogos e inchables organizado a través da Asociación Tapóns de Valde no patio do Colexio Condesa Fenosa do Barco. Karts, colchonetas e inchables con auga eran algunhas das propostas lúdicas desta iniciativa benéfica. A súa entrada era de tres euros.
Nesta actividade colaboraron con Tapóns de Valde o CEIP Condesa de Fenosa, o Concello do Barco e Val de Ocio, entre outras entidades.
Fotos: Ángeles Rodríguez
